Every year, 250 km away from Toronto, at the Slucak cottage on the Manitouwabing lake, Belarusian folk band “Yavarovy Ludzi” organizes a pagan folk festival called Kupalle. Over the years, Kupalle has turned into a two-day celebration filled with ancient rituals, traditional games and dances, modern art installations and contemporary Belarusian music.
During the preparations, which usually take up the entire Saturday, the participants decorate the Kupalle wheel and gate and make a witch doll. Women and girls weave
chaplets to put into the water downstream as a part of a traditional Ivan Kupala fortune-telling ritual. Folk dances and games continue long after sunset when the bravest of hearts get to test their faith by jumping over the flames of bonfires or going into the night forest in search of a mysterious fern-flower.
All the participants are invited to a festive dinner where they can taste a traditional Belarusian drink called Krupnik.
The second day is dedicated to games and sport competitions and usually begins with outdoor yoga and/or tai chi practices.
During the 2016 Kupalle Festival, Nargiza Usmanova presented her art project Patterns of Life. That night, three traditional patterns appeared beside the Slucak cottage, which is 30 km from Parry Sound, ON. The first pattern, titled Kupalle, is the symbol of the festival. The second pattern, Mother, represents our roots and the country where we come from. The third pattern Child stands for our future.
Купалле 2022 на “Слуцку”
Пасля двухгадовага перапынку беларусы Таронта і наваколляў аднавілі традыцыю святкавання самага прыгожага і таямнічага беларускага свята — Купалля. 9-10 ліпеня на базе адпачынку “Слуцак”, што ля гораду Пэры Саўнд, Антарыё, адбылося Купалле 2022, арганізаванае фолк-гуртом “Яваровы людзі” пры падтрымцы Парафіі св. Кірылы Тураўскага і Згуртаваньня Беларусаў Канады.
Ад самага ранку вакол “Слуцка” кіпела праца: хлопцы касілі траву, рыхтавалі купальскае кола і вогнішча, а дзяўчаты плялі вянкі і стваралі святочныя дэкарацыі з травы і кветак. Каб дзеткі не сумавалі, пакуль бацькі занятыя, іх забаўляў лялечны тэатр (батлейка) са спекталем “Чортаў скарб” паводле аднайменнай казкі Ўладзіміра Караткевіча. За прыгодамі гаспадара Янкі, мядзведзя і чорта з вясёлымі ўсмешкамі сачылі і дзеці, і дарослыя.
Пад вечар на пляцоўцы перад будынкам “Слуцка” сабралася больш за 100 чалавек у вянках і святочных строях, сапраўднае мора белага і чырвонага колераў – надзвычайна прыемна было бачыць, што большасць гасцей Купалля паклапацілася набыць традыцыйныя беларускія строі. Падчас знаёмства гучалі назвы гарадоў і мястэчак з розных рэгіёнаў Беларусі, госці распавядалі пра сябе і свае сем’і. Мы былі асабліва радыя вітаць пачэсную госцю з ЗША, спадарыню Алесю Сёмуху. Уласна абрад Купалля пачаўся з абрання Купальскага Князя, які традыцыйна вядзе рэй на свяце, і Купалінкі, якая ўвасабляе сабой міфічную істоту, дух прыроды і нівы, апякунку моладзі. З Купалінкай на чале, даўгая працэсія жанчын, дзяўчат і дзяўчынак рушыла праз летні луг да купальскай брамы, спяваючы “Ішла Купалка сялом, сялом, закрыўшы вочкі пяром, пяром”. Перад брамаю Купалінку сустрэў Князь з дружынай мужчын і хлопцаў, і пасля сімвалічнага адразання касы Купалінкі і ўрачыстага праходу праз браму свята закруцілася купальскім карагодам, гульнямі, спевамі, а скончылася, вядома ж, скокамі праз вогнішча і пусканнем купальскіх вянкоў па вадзе прыгожага возера Манітоўвабінг. Купальскай ноччу трэба шукаць скарбы і раскрываць таямніцы, то ж, каб хапіла сілаў да ўсходу сонца, “Яваровы людзі” частавалі гасцей сапраўднай беларускай вячэрай — грыбным супам, бульбай, саленнямі і гарачым зёлкавым крупнікам на мёдзе. А каму не пашанцавала знайсці папараць-кветку, той мог развесяліцца на беларускай дыскатэцы пад зорным небам.
Трэба дадаць, што ужо другі год Купалле ў Канадзе святкуюць і беларусы Эдмантана на неверагодна прыгожых азёрах правінцыі Альберта. “Яваровы людзі” дапамаглі эдмантанаўскім сябрам пазнаёміцца з купальскімі абрадамі і таксама правялі спеўныя рэпетыцыі онлайн, дзе развучваліся купальскія песні. Мы будзем радыя дапамагчы творчым беларусам у любым кутку планеты стварыць сваю купальскую традыцыю! Кантактуйце з Віялетай Кавалёвай праз vkovaleva@hotmail.com або праз сацсецткі “Яваровых людзей” (Javarovy Ludzi) і Згуртавання Беларусаў Канады (Belarusian Canadian Alliance)